「TVB新聞小花」拍外景坐過山車狂NG，無奈坐咗四次

「TVB新聞小花」阮嘉敏（Mandy），較早前去珠海長隆進行為期兩日一夜嘅拍攝工作。正所謂寓工作于娛樂，其中一幕需要阮嘉敏到珠海長隆海洋王國玩過山車之余，期間仲要佢手持攝影器材邊玩邊拍，認真夠激！

不過，最令人無奈嘅係，當阮嘉敏滿心歡喜想將自己玩過山車嘅風景拍下時，途中佢手持嘅拍攝器材卻突然間冇電！心知不妙嘅佢直言，為咗完成過山車嘅拍攝鏡頭，自己已經先後NG咗三次，期間都連續坐咗三次過山車，加埋今次已經第四次。

據悉，阮嘉敏畢業于香港中文大學傳理系，佢曾經遠赴昆士蘭科技大學修讀媒體與傳播研究系。2016年，佢報名參加香港小姐競選，可惜最後止步于十強就慘遭淘汰。

雖然落選，但佢仲係獲得TVB高層青睞，成功被安排入讀為期三個月嘅演藝進修班，之後正式簽約出道。

除咗拍劇，阮嘉敏仲為TVB節目擔任主持工作，形象相當深入民心，節目包括《Shopping Hero》、《東張西望》以及《3日2夜》等。

雖然星途未有大紅大紫，但而家嘅阮嘉敏已經累積唔少人氣同支持，知名度亦提升唔少。今年一月份嘅時候，阮嘉敏終于獲得TVB進一步認可，由基本藝人合約轉簽成為親生女合約，相信跟住落來佢會有更多嘅演出機會，期待！