「TVB最索丫鬟」宣布離巢，轉行做KOL網紅

畀大家稱為「TVB最索丫鬟」嘅陳婉婷，喺新劇《街坊財爺》入面，飾演女主角邵美琪嘅少女版本。其實佢入行已經有8年時間，今日陳婉婷突然喺社交平臺宣布離巢TVB，結束8年嘅賓主關係。

陳婉婷喺社交平臺寫道：「轉眼間已經8年了，感激這些年來，公司對我的栽培、給我很多機會、令我可以嘗試演很多特別的角色。當天青澀的女孩，霎時間已經長大了，也許該是時候離開這個溫室，去一個更加大的世界，挑戰一下自己，向外闖，嘗試更多不同的發展。感恩這些年來賜予我機會的所有人，我會繼續持着謙卑的心，在不同的角落做好我的演藝工作。」而曾與佢合作過嘅藝人歐瑞偉亦有留言送上祝福。

陳婉婷喺2010年參加《第一屆FACE USTAR大專校花校草大選》，當時畀稱為“理大小甜甜”，2011年透過TVB周刊CoverGirl選舉加入娛樂圈，同時都係第25期無線電視藝員訓練班畢業生，之後成為TVB基本合約藝員。

進入TVB之後，陳婉婷飾演過唔少角色，由于大部分嘅角色都係飾演宮女、丫鬟，所以佢畀大家稱為「TVB最索丫鬟」。

印象最深刻嘅就係喺《宮心計2深宮計》里面，陳婉婷做宮女有一場沐浴嘅香艷鏡頭，由于佢古裝扮相比較艷麗，曾經被網友封為「TVB最索丫鬟」。

可惜陳婉婷喺TVB工作8年，一直未能上位，而且發揮機會唔多。而佢近年嚟已經轉型做KOL網紅。

今年仲因為直播APP嘅邀請，去英國倫敦欣賞時裝表演，當時因為主辦方為住房起咗爭執，佢事先同主辦方要求住單人間，但係到達之後先發現佢被安排同陌生人住同一間房，仲要求佢一定要先付飯店嘅住宿費，但畀佢拒絕。

陳婉婷激得開直播哭訴話：”如果我知道唔係我自己一間房，我一定唔會嚟。”跟住佢更被酒店嘅職員屈佢喺間房入面食煙，因為拒絕比一萬蚊嘅賠償金，唯有自己漏夜執行李架逃去其他酒店，嗰個時陳婉婷仲開直播同粉絲哭訴呢件事，只見直播入面嘅佢，哭到聲淚俱下，貌似受咗好大嘅委屈。

唔理點樣，陳婉婷樣靚身材正，30歲都唔算好大，希望佢離開TVB之後會有更多好嘅發展。