「TVB童顏人妻」又要做嘢又要照顧患病仔仔:做在職媽咪辛酸

今日,TVB小花孫慧雪出席BB活動,已經身為人母嘅佢,產後復出雖然忙于事業打拼,但都兼顧家庭照顧小朋友,認真唔易。受訪時,問到點解唔帶埋仔仔一起湊熱鬧?孫慧雪透露,仔仔最近病咗!

佢話:「佢病咗,呢兩日發高燒,但我呢兩日返工,佢老竇同工人姐姐又唔知道佢發燒,所以我呢段時間返工之余,每四個鐘都要幫佢量溫同喂佢食藥,訓教我都要戴口罩,在職媽咪真系好辛酸。」

孫慧雪復出之後,除咗忙住為幕前工作之外,同時推出新書,佢又透露最近工作忙到死,到七月份書展將會有兩本新書推出,其中一本更加系個人散文集,另一本系結合其他女仔一齊出嘅相集。

問到會唔會性感上陣?孫慧雪就笑言:「我呢本散文集有一啲健康性感,主要系文青相居多,但另外嘅相集會稍微性感,不過都系之前拍落嚟嘅相。(生仔之前?)唔系,生完之後,其實好多人叫我出寫真,但我話到40歲先出。」

不嬲身材驕人嘅孫慧雪,雖然生完BB,但一直保持得宜,而且經常會喺社交平臺大曬性感靚相,令佢喺網上人氣持續高企,深受網民歡迎同支持。

講到書展有好多競爭對手,孫慧雪直言到時候自己會親自落場宣傳新作:「我主力Sell本散文集。(出兩本書自己打自己?)要迎合唔同嘅Fans,始終做咗媽咪,性感嗰本就益男Fans喇。」

咁就意味住,書展時女神孫慧雪都會親臨現場與粉絲互動,各位粉絲到時候得閑嘅話,不妨去湊熱鬧,支持下女神嘅新作!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *