現年83歲嘅「TVB老戲骨」余慕蓮被曝病危，據悉因為肺纖維化要喺ICU留醫，記者致電余慕蓮但有女護士代接電話，問到余慕蓮係咪喺ICU，佢話：「佢而家插咗喉，你叫其他人唔好再打嚟啦。」說完就急急腳掛線。
之后記者再向余慕蓮好友瞭解情況，獲好友確實入院一事：「佢係入咗ICU，但因為唔畀探望，所以都唔係好清楚，究竟因為乜嘢事入咗去。」
今年8月份，余慕蓮咳嗽不適入院，經診斷係肺纖維化，更留院八日治療。
余慕蓮呢幾年好少出席公開活動，多次傳出佢身體出現問題，較早前佢不幸患上耳石移位導致經常頭暈之后，更有消息指佢患上新冠肺炎。
余慕蓮曾經接受傳媒訪問否認自己經濟出現問題，但承認年紀大機器壞，更證實因為患上耳石移位，所以經常會好暈，而且一定要瞓床并喺屋企休息。
有傳余慕蓮需要演藝人協會供養，佢亦澄清絕無此事：「我唔係好有錢，但我仲有間屋、有積蓄，可以自己照顧自己，點解講到我咁呢？我好驚啲粉絲捐錢以為畀我，其實我係捐咗去其他人度。」
Like MisshkNews Facebook！不出门也能知天下事～
