「TVB老戲骨」74歲生日,三代同堂勁溫馨

日前「TVB老戲骨」李家鼎(鼎爺)74歲生日,佢同前妻施明,仔仔李泳豪、李泳漢慶祝生日,咁啱李泳漢兩歲囡囡同爺爺同月同日生,場面勁溫馨幸福。

李泳豪日前喺社交平臺分享開心時刻,佢話:「老竇同侄女一齊慶祝生日,祝你哋身體健康,開開心心。」

鼎爺可以同孫女一齊慶祝生日梗係好開心,但孫女Charlotte就有一啲怕醜噉對鏡頭微笑,睇落認真好得意,而鼎爺嘅60歲女友卻未見蹤影。

前妻施明放下恩怨不留遺憾,都有出席生日派對。

講到鼎爺,其實佢唔單止識得煮,仲好打得,當年做龍虎武師出身嘅佢,擔任過TVB武術指導,可以睇得又可以打得,加埋煮得一手好菜,真係迷死唔少女!

不過鼎爺就一啲都唔花心,1970年邂逅老婆施明,話說有一次施明撞車畀對方糾纏要脅,佢知道之后即刻挺身而出幫手英雄救美,成功抱到美人歸。

李家鼎、施明喺1977年結婚,結婚之后生落孖仔李泳漢、李泳豪,一家四口樂都融融。鼎爺更將財政大權交畀老婆,無奈因為性格不合,更加因為一件小事導致喺1994年離婚。

而家諗返依然係鼎爺視為人生一大可惜,期間佢一直堅持拒絕簽字,但施明選擇帶兩個仔移居美國,鼎爺最終唯有無奈同意離婚。

不過當施明1999年回流香港嗰陣,又再令鼎爺重燃希望:「當時我好想同施明復合,求咗佢十幾次都被拒絕,但我無放棄,當時無搵伴侶都係想復合。」

雖然最終復合無望,但係鼎爺咁多年嚟一直堅持負起做老公同老竇嘅責任,都會畀錢施明。據知鼎爺單身多年,直至呢幾年先覓得第二春,可見佢有幾情深。

而除咗愛情得意,鼎爺更憑TVB節目《阿爺廚房》成功爆紅,又開餐廳進軍飲食界,成為娛樂圈炙手可熱嘅廚神。

唔理點樣,宜家見到鼎爺三代同堂咁幸福,真係替佢哋開心,祝福你哋可以永遠咁幸福。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *