「TVB花旦」低調離巢,《伙記辦大事》成為告別作

繼李施嬅、田蕊妮等人約滿離巢,「TVB花旦」萬綺雯也低調離巢,所以較早時佢同好拍檔歐陽震華合作嘅警匪劇《伙記辦大事》,會成為萬綺雯喺TVB嘅告別作。

萬綺雯喺1989年參選亞姐奪得亞軍之后加入亞視發展,一直都係亞視當家花旦之一,佢喺經典劇集《我和僵尸有個約會》飾演馬小玲一角,更加奠定佢喺電視圈嘅地位。

2012年萬綺雯以部頭合約加入TVB,馬上備受TVB力捧,包括有《老表,你好嘢!》、《好心作怪》、《食為奴》、《老表,你好hea!》、《八卦神探》等劇集。

不過,劇接劇嘅生活令萬綺雯覺得身體不勝負荷,佢喺2015年拍攝完臺慶劇《東坡家事》之後,曾經向媒體透露跟住要視乎身體情況再考慮接劇,不過最令佢難過嘅,15個月內佢6只愛貓相繼離世。

當時萬綺雯休息超過半年之後,佢喺2016年先接拍臺慶劇《致命復活》,不過佢喺拍攝《致命復活》后到而家,足足有三年時間冇接劇,直至舊年先復出,同好拍檔歐陽震華拍攝《伙記辦大事》。

唔理點樣,梗係希望萬綺雯可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *