「TVB花旦」林夏薇勇奪視后，卻惹來網民不滿怒批

《萬千星輝臺慶頒獎禮2021》已經圓滿落幕，最佳女主角賽前呼聲最高嘅鐘嘉欣再次陪跑，視后寶座由「TVB花旦」林夏薇以《七公主》顧語嫣一角奪下，引起唔少討論。

陳妍希老公陳曉更為此漏夜發文恭喜林夏薇勇奪視后，卻引來網民不滿怒批。

其實，林夏薇同陳曉係中央戲劇學院同學，當年林夏薇加入TVB陳曉已經即刻喺社交平台發文支持，每次林夏薇有新劇出街亦會發文支持。

陳曉喺頒獎禮結束之后，馬上喺社交平台發文恭喜老同學攞獎：中央戲劇學院2005級表演系一班嘅林夏薇同學，聽講你攞咗視后啦！仲加咗好多個手指公表情，可見佢興奮程度。

點知道陳曉卻惹起網民反彈：唔該你憑良心講嘢，水后林夏薇值得攞視后？不過陳曉都唔係好蝦嘅，深夜同網民展開罵戰，一一留言反擊：憑良心，同學攞獎，換你你都開心。