「TVB花旦」王君馨喺2007年攞到港姐亞軍入行已經有14年，早前傳出拍劇被忽視及傾續約畀冷待，加上佢日前力撐《全民造星IV》參賽者，因而被指離巢在即。
估唔到，呢日半夜王君馨喺社交平臺宣布「畢業」離巢，正式同TVB結束14年賓主關係。
王君馨直言覺得似一間由BB班讀到高中學校，選美、主持、司儀到做戲生涯，感恩有唔同嘅經歷，又指對唱歌、跳舞同做戲嘅熱誠難以三揀一，全部都獲得滿足感。
之后王君馨又逐一答謝每位同事同工作人員，尤其經理人、監制同導演，給予演出機會，最后留言話：「各位同事保重，江湖再見！」 
其實王君馨選完港姐之后，都獲得過唔少工作機會。其中佢喺2016年熱播劇集《城寨英雄》憑借花曼一角奪得最受歡迎電視女角色，一躍成為TVB花旦，唔少人都認為佢應該可以繼續上位拍劇。
點知道王君馨因為《城寨英雄》熱度過後逐漸邊緣化，即便喺劇集《是咁的，法官閣下》、《失憶24小時》擔正做女主角，戲份卻少得凄涼，角色演技發揮亦有限，惹來唔少網友質疑佢唔畀TVB重視，替佢抱不平。
今年10月份更有傳聞話王君馨因為不滿其有份主演嘅劇集《超能使者》中宣傳片同海報直接變路人，畀女二劉穎璇直接爬頭搶曬鏡頭，導致其有意離巢。
雖然宜家傳聞變新聞，唔理點樣都係希望王君馨喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
