「TVB花旦」張曦雯（Kelly）有份參演TVB新劇《白色強人II》，呢排佢亦跟住劇組團隊北上深圳拍攝，開工前梗係唔少得要接受21日嘅醫學隔離。
張曦雯呢日就喺社交平臺曬出素顏相，仲同網民分享隔離第一日嘅生活，佢話：「第一日乜都冇做，可以瞓到自然醒真係好幸福。」
見到張曦雯瞓喺張床上攬住毛公仔，素顏上陣嘅佢輪廓分明，五官精緻，果然係天生麗質，網民更大讚張曦雯又靚又得意！
講到張曦雯，其實佢喺2011年開始行選美路，喺2011年芝加哥華商會親善小姐比賽上勇奪冠軍同「最上鏡小姐」。
張曦雯喺2012年國際中華小姐比賽成為第一位奪冠嘅芝加哥佳麗，喺同年7月世界小姐競選多項單項賽中獲得排名，係25年嚟成績最好嘅香港代表。
由於張曦雯自細學移民芝加哥，畢業于伊利諾大學芝加哥分校企業管理系，所以講得一口流利英文，加入TVB之後成為明珠臺《Pearl Tonight》主持。
由於張曦雯做主持笑容好、口齒伶俐，因此而畀TVB高層賞識，獲邀請拍攝2016年處女作《律政強人》飾演律師，網民反應都偏向正面，「表現以新人嚟講已經好出色！」。
當年張曦雯憑《3日2夜》成為唔少男士心目中嘅女神，獲封新一代「TVB宅男女神」。
唔理點樣，梗係希望張曦雯可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
