「TVB視后」新劇取消拜神儀式，曬吊帶裙靚照

「TVB視后」李佳芯喺新劇《智能愛（AI）人》擔正做女主角，TVB原定今日將會舉行拜神儀式，可惜因為颱風「海高斯」而焗住取消，觀眾暫時未能睇到佢哋嘅造型。

不過李佳芯就喺社交平臺曬出咗一張著上白色吊帶長裙嘅相，見到佢梳上一個丸子頭，并留言話：「今天你有用心過活嗎？」

唔知道呢個清爽裝係咪新劇造型，網民都話好期待李佳芯嘅演出，對于佢終於獲TVB解凍有劇拍表示好開心。

另外，《智能愛（AI）人》亦係陸永入行11年嚟首次擔正男主角，唔知道到時候會有乜表現呢，期待佢嘅表演！

講到李佳芯，其實一直有傳因為佢喺社交平臺嘅言論而畀TVB雪藏，儘管事後佢都有澄清，但都無濟于事，導致佢所有嘅劇集同埋廣告都畀抽起。

雖然呢排李佳芯憑借熱播劇《殺手》嘅出街，TVB已經將佢解凍，并有意捧佢參與《兒童醫院》嘅拍攝，讓佢與馬國明再續前緣。

可惜嘅係，由於《兒童醫院》要同大陸視頻網站合作，鑒于李佳芯嘅網評口碑好差，所以TVB高層最終決定抽起唔用佢。

不過頂住「TVB視後」嘅李佳芯仲未衰得曬，儘管無緣合拍重頭劇，但作為TVB高層嘅愛將，佢仲係有希望參演另外一部經典本土劇作。

加埋李佳芯自資出版嘅個人寫真集大賣，經濟上暫時未受影響。事業一波三折嘅李佳芯，好彩仲有男友陳炳銓嘅支持同鼓勵，拍拖6年嘅兩人可謂患難見真情。

然而呢一對卻一直都唔畀外界睇好，網上除咗取笑陳炳銓事業上比唔過李佳芯、要靠李佳芯接濟過活之外，仲嘲笑陳炳銓與李佳芯係「野獸與美女」！

唔理點樣，希望佢地兩個可以傳出好消息，祝福祝福。