「TVB視后」被指再進化，大方回應多謝

「TVB視后」楊怡自從升呢做媽咪之后，佢就留喺屋企專心湊囡囡小珍珠，日前佢更新近況，曬出素顏自拍大曬幸福，不過卻有網民將重點擺喺佢個鼻上！

楊怡個鼻早年已經被網民指愈嚟愈尖，變咗「木偶鼻」，呢次有網民就話佢個鼻又再進化，鼻頭比以前更圓潤、鼻梁更高、鼻翼位置更窄！

對于再畀網民質疑靚樣，楊怡就大方回應：「多謝贊美，不過我都好想可以靚啲，但因為湊B連瞓都冇得瞓，更加唔好講扮靚，多謝哦。」

而今日半夜楊怡再曬出一張奶樽相，留言話：「有邊位媽咪同我喺度做同一件事呢，深夜節奏，厭左期嘅小珍珠，有時肯飲，有時唔肯飲，希望今晚佢做一個乖寶寶。」

結果即刻引起唔少媽咪共鳴，好似陳凱琳半夜5點留言話：「right now…….5 am?」陳山聰老婆都話：「好瞌睡！」楊怡叫大家：「各位媽咪一齊加油油?❤️！」

講到楊怡同羅仲謙嘅當年，佢哋因為拍攝TVB經典醫療劇《On Call 30小時》結下情緣，呢部劇都喺早前（3月2日）深夜時段重播，劇集由馬國明、楊怡、羅仲謙同黃智雯等主演。

其實羅仲謙、楊怡由一段唔畀睇好嘅姊弟戀，到拍拖4年再結婚。結婚之後楊怡更為咗迎接呢個BB來臨，佢決定放棄事業，2016年4月份約滿TVB之後就選擇性工作，安心做少奶奶。

唔理點樣，宜家見到楊怡同羅仲謙咁幸福，真係替佢哋開心，祝福你哋永遠幸福快樂。