現年37歲嘅「TVB視帝」王浩信（Vincent）今年再憑借《反黑路人甲》同未出街，但已經備受關注嘅《踩過界II》人氣再度急升，有望再登視帝寶座！
雖然事業登上高峰，但王浩信好少同大家提及家庭事，除咗避談老婆陳自瑤，就連曾經參選港男嘅親生細佬王瑋彤（Tony）亦闊佬懶理。
現年30歲，身高6呎2嘅王瑋彤無論身高樣貌都同王浩信十足餅印一樣，喺美國讀完大學嘅佢，返香港之后就積極發展自己嘅演藝事業。
雖然未獲王浩信落力提攜，但王瑋彤一直爭取機會，除咗做模特兒之外，佢更曾經參加大陸節目《非常完美》同《飛虎之潛行極戰》中飾演O記警員灰熊等等。
除此之外，王瑋彤呢幾年更邊做保險邊等演出機會，呢排佢過檔ViuTV，喺新劇《熟女強人》中做大茄，與胡杏兒有一場對手戲，雖然戲中飾演「茄哩啡」，但王瑋彤依然做到七情上面，相當落力！
王瑋彤仲喺社交平臺留言話：「如果你想喺自己嘅行業成功，你一定要SET一個目標。你如果你做演員，你一定要TARGET做影帝。」
睇嚟，王瑋彤未有放棄明星夢，目標更相當清晰！而王瑋彤更曾經透露大佬王浩信只畀意見，唔會出手幫手，所以佢要再努力先可以同大佬睇齊！
Like MisshkNews Facebook！不出门也能知天下事～
