「TVB視帝」正式封盤,低調承認同力捧小花拍拖

「TVB視帝」馬國明自從同黃心穎分手之後,傳媒同網民一直都好關心佢嘅戀情,之前曾經傳出佢同唐詩詠發展地下情,仲傳出兩人閃婚傳聞,可惜最終雙雙否認。

尋晚有傳媒影到馬國明同TVB力捧小花湯洛雯,喺女方位于紅磡嘅寓所行出,直指馬國明喺湯洛雯香閨逗留咗4個鐘,佢哋從正門行出之後,大方畀傳媒影相。

(當畀記者問到戀情開始咗幾耐?雙方有冇見家長?)湯洛雯懸著雙手合十,而馬國明開始無乜回應,之後先話等啱嘅時機再交代。

今日(6月13日)半夜,馬國明、湯洛雯相約時間同時喺社交平臺高調宣佈戀情,佢哋同時喺各自嘅社交平臺曬出一張公仔合照,仲留言「多謝關心」。

馬國明更加喺獨角獸身上@咗湯洛雯,而湯洛雯就喺馬仔身上喺咗馬國明,兩人互相確定大家身份地位,高調認愛。

而馬國明前幾日先啱啱開通IG賬戶,有網民直指馬國明開通IG帳戶係為咗公布戀情,更有網民發展馬國明開通IG第一個追蹤嘅人就係湯洛雯,佢哋之前并無預兆,尋晚先傳出拍拖新聞,真係浪漫得嚟又驚喜。

戀情曝光之後,一眾網民留言恭喜佢哋,并大贊馬國明、湯洛雯男才女貌好合襯,都有唔少圈中好友岑杏賢、劉溫馨、莊思敏、莊思明等人都有留言送上祝福。

較早時一直有傳諗住同馬國明復合嘅黃心穎,今日回復傳媒時表示:「我祝福佢身體健康、平安。佢私人嘅嘢,留畀佢私人嚟答。」

馬國明同湯洛雯曾經喺2017年出街嘅《心理追兇Mind Hunter》合作過,湯洛雯喺劇中係馬國明嘅女朋友,可惜喺車禍中過咗身,之後湯洛雯喺劇中經常出現喺馬國明幻覺中,佢哋喺鏡頭前都有唔少親熱戲。

但據悉當時馬國明同黃心穎啱啱開始拍拖,因此馬國明就同湯洛雯無發展落去。

其實講嚟都好巧合,黃心穎舊年因為同許志安曝出「偷食事件」而畀TVB雪藏封殺,其主演《法證先鋒4》戲份宣佈全部重拍,最終監制梅小青指定由湯洛雯頂替重拍其戲份。

有網民討論呢次湯洛雯唔單止取代咗黃心穎嘅角色,連生活都取代喇,最後仲係恭喜馬國明同湯洛雯拍拖,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *