「TVB親生女」大玩父女戀，而家認愛球星轉食洋腸！

現年27歲嘅「十億千金」黃文意，身為中文大學碩士嘅佢仲有一個身家富爸爸（「LED燈大王」黃裕發），雖然後台強勁，但佢從不靠父蔭，舊年更簽約做「TVB親生女」，就連喺屯門買樓都係靠自己。

黃文意身為「十億千金」拍拖同樣貼地，舊年佢畀踢爆同大佢23歲唐文龍譜出「父女戀」，但戀情維持半年就無疾而終。

之後黃文意更自爆畀圈中人「情騙」兼劃清界線，有傳所指嘅係童星出身嘅李日升，男方曾經背住佢暗撻另一位TVB咪神陳偉琪。

黃文意愛過痛過，原來佢宜家又有新歡，而且口味大逆轉，認愛球星轉食洋腸！

事後記者致電黃文意，問到佢係咪同球星拍拖？佢承認拍拖有半年，本來大纜扯唔埋，但緣于同住屯門區，有日出街咁啱男方行過兼問路，大家傾得幾開心，仲換換埋電話，傾咗個幾月就開始拍拖。

身為「十億千金」嘅黃文意就坦言未向男友「稟報」自己嘅家境，更加笑言自己比佢窮，唔認同女尊男卑。

唔理點樣，宜家見到黃文意同外國球星咁幸福，真係替佢哋開心，祝福你哋永遠幸福快樂喔，希望兩人可以甜甜蜜蜜。