【深宮計】太平公主一啲都唔太平⋯ 亞洲小姐出身葛陳煒 44歲輕晒事業線

TVB熱播劇《深宮計》,有人話啲妃嬪以至宮女都年紀大,其實年齡只系一個數字!你睇嚇飾演太平公主嘅咁陳煒現年44歲,但仍然Keep好,無論皮膚定系身材仍然弗爆!今日佢拍新劇《多功能老婆》,因為劇情需要而著泳衣??觀眾有眼福喇!

陳煒過檔無綫後真係劇接劇,近排趕拍無綫新劇《多功能老婆》,同女主角楊千嬅有不少對手戲,今日煒哥喺IG晒出罕有水着相,大騷長腿,仲留言話好耐冇著過泳衣。不少網民大讚身材弗爆,仲笑指:「太平公主身材一啲都唔太平」⋯

新劇《多功能老婆》拍得如火如荼,煒哥、千嬅、朱晨麗不時喺IG晒合照,睇嚟合作得好愉快!而早前仲齊齊為監製陳寶華慶生,眾人一人買一個生日蛋糕㖭!至於朱晨麗為新劇剪短頭髮,她說:「都留咗年幾長髮,想女人啲,但監製寶華姐要求我剪短,都幾好幾清爽,叫handle到,今次我角色同洪永城一對,幾貪靚,會嗲吓,係Young啲嘅老婆。」

視太平公主為代表作

飾演太平公主嘅陳煒獲中港兩地網民一致力讚,睇好做「視后」,陳煒接受傳媒訪問時謙虛表示,好多謝觀眾咁支持套劇同佢,又話演員遇到好角色又有得發揮嘅真係好難得,所以佢好畀心機把握呢個機會!

其實睇番煒哥自亞視執笠後,喺無綫劇拍過唔少劇集都好收得,而且網友對佢評價好高,又大讚佢保養得宜超級索!就好似早前播出嘅《果欄中的江湖大嫂》中,雖然有成班女演員包括岑麗香、馮盈盈和江嘉敏等,當大家以為上述年輕貌美的小花會成為焦點時,其實44歲女主角「煒哥」陳煒先至係贏盡掌聲嗰個!陳煒在劇中飾演一個過氣的功利小女星,但是在慶生時發現老公外遇,之後回到香港生活,更成為了一個果欄的欄主。

陳煒 96年亞姐冠軍

入行22年的陳煒,96年未畢業便決定參選亞洲小姐,更勇奪冠軍!之後成為亞視藝員,拍了超過廿部電視劇,當中《我和殭屍有個約會》同扮梅艷芳的《美麗傳說2星願》都非常經典。

陳煒 96年亞姐冠軍

唔講唔知,陳煒原來都做過「晶女郎」,2006年拍電影《提防老千》更與王晶有超火辣場面!

2012年過檔TVB初期,陳煒繼續行性感,即使唔係做女一都搏到盡,倒奶絕對係家常便飯,效果都相當震撼!

煒哥2008年同台灣商人顏志行結婚,早年煒哥更跟老公移居泰國、台灣時,不時公開曬恩愛。但呢啲恩愛畫面都已經成過去,因為陳煒承認早在復出拍劇時,經已與老公離婚,直到依家已經離婚6年。不過煒哥就話只係兩人感情出現問題,與第三者無關。

其實單身又有咩好驚呢?44歲煒哥keep得咁好,人靚身材正,唔愁冇第二春啦!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *