三家姐簽名注冊！黃心美、黃心穎變畀催婚對象

藝人黃心穎前日30歲生日，成家人都為佢慶生，不過黃家喜事連連，呢日全家總動員再次出動，一家出席三家姐黃心慧簽名嘅大喜日子，黃心穎先前孖住男友馬國明去澳洲出席三家姐嘅婚禮，只不過佢尋日先返香港正式注冊。

二家姐黃心妙今日喺社交網上載咗兩公婆同屋企人大合照，相中見到黃心慧攬住囡囡影相，黃心妙仲留言：“有人今日先正式簽紙（字）成為呂太。”

好多網民都紛紛留言向黃心穎、同埋最近與男友馬桂烽打得火熱嘅黃心美催婚！