朱晨麗出生於江蘇蘇州，香港女演員，2011年度香港小姐競選冠軍，現為無線電視經理人合約女藝員當家花旦之一。
好快，10月都冇剩幾日，今年嘅TVB新劇都冇剩幾部，總嘅嚟講，有啲都唔錯嘅作品，但總體不如舊年！
而每次嚟到這個時候，新嘅視帝視后歸屬，都成為咗大家最愛討論嘅事，今日傾今年TVB最紅嘅小花，舊年啱啱攞咗最佳女配角，今年就有4部劇出得街，預計系爭視后嘅節奏？
唔錯，相信有習慣睇TVB劇嘅小夥伴，應該知道我講嘅就系moring豬，朱晨麗！雖然佢都系港姐冠軍出道，樣靚身材正，但系佢演藝之路并唔同陳凱琳緊樣好走，比于陳凱琳冇演幾部作品就直接女二女一，佢可以講系由女五開外慢慢捱過嚟嘅！ 
當然，噉樣都有好處，最低限咁多部劇行過嚟，睇得到佢進步，演技同佢粵語！所以要講呢幾年邊位小花最博，我霖應該非佢莫屬，動作戲都親自上，而且接嘅劇真系好多，好似今年開播嘅就有4部！ 
喺最早開播嘅倉底劇《平安谷之詭谷傳說》入面，佢仲系女四飾演谷爺嘅三姨太，而到咗《棟仁的時光》入面，佢已經系僅次于視后唐詩詠女二莫熙蓮，而前段時間啱啱播完嘅《特技人》佢已經系女一，呢種節奏，感覺就系佢近幾年嘅奮斗縮影！ 
而喺跟住落嚟嘅臺慶劇《兄弟》入面，佢仲系女一！要知道，雖然今年嘅臺慶劇比舊年“低配”唔少，但話曬都系臺慶劇，份量都系擺喺到嘅，而且今年三套臺慶劇入面，明顯《兄弟》系壓軸嘅，從制作嚟睇喺TVB劇裏也系大制作級別嘅，所以話今年算系朱晨麗再次飛躍一年喇！ 
不過，雖然出得街嘅作品好多，但系要攞視后都有啲難度嘅，話曬出得街嘅幾部作品佢表演都唔算好亮眼，而且今年視后爭奪都幾激烈嘅，李佳芯、黃智雯、陳煒都喺等住攞，目測moring豬仲要再捱捱，大家覺得呢？
Like MisshkNews Facebook！不出门也能知天下事～
