何依婷著校服仙氣逼人 甜爆笑容迷死人

2017年香港小姐冠軍由雷莊兒奪得,不過當時小編就比較喜歡亞軍何依婷!唔知大家點睇呢?話說何依婷加入TVB後,佢有份參與的兒童節目《Think Big Family》近日播出最新一集,佢著上校服扮學生妹,完全無任何違和感更清純過蒸餾水,少女味極濃,心心眼呀!

現年24歲嘅何依婷係2017年香港小姐亞軍,佢有份主持的兒童節目《Think Big Family》最近播出最新一集,節目中見到何依婷著住校服扮學生妹,紅色外套灰裙子,又靚又pure!

女神級校花

何依婷喺節目入面展露煞食的甜美笑容,無論輕輕淺笑或哈哈大笑都係咁可愛迷人,仙氣隔住個mon都感覺到,難怪網民都不禁大讚佢絕對係校花!點解小編當年啲同學……

何依婷甜爆笑容迷死人

何依婷有齊天使面孔,加埋迷死人笑容,有唔少網民都話唔明白點解佢去年會失落冠軍寶座,似乎唔少網民都為佢輸咗俾雷莊兒,而感到不值!不過何依婷外表出眾,可塑性高,喺大台應該會有唔錯發展~

2017港姐亞軍

何依婷去年參選香港小姐,由初選到決賽,外間對佢都有不俗評價,最後奪得亞軍!

相比冠軍呢?

睇番上年香港小姐賽前,雷莊兒聲勢唔算大,但卻因Do姐的兩票當選、一夜間成為雙料冠軍而成為話題,被網民洗版式鬧爆唔夠靚做港姐冠軍,高頭大馬的雷莊兒被指身材過分大隻,一笑成棚哨牙現晒形,真係負皮多多!

雷莊兒棚牙相當突出,在港姐答問環節被問到如果阿叻係佢親生爸爸, 會點說服叻哥認番佢,就九唔搭八話:「想知佢狀態係點!」搞到森美忍唔住問:「做你老竇要知狀態係點?」最後要阿叻幫口解圍。
原本1號以五票領先,最後由擔任校長評判的Do姐投神聖兩票,扭轉大局!

雷莊兒當日試戴后冠,已表示覺得選港姐的泳衣唔夠性感,觀乎佢做model時著的性感泳衣,中間大deep V落到肚臍,果然夠晒出位!
雖然有把長直髮,亦未能令雷莊兒加添少女嫵媚,難怪被網民譏諷似賓妹!

美貌與智慧呢回事,其實都係各花入各眼啦,唔知大家鍾意何依婷定雷莊兒多啲呢?

2017年港姐三甲

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *