系人都知道，TVB系香港最大嘅電視臺，到而家創立50年，制作同培養出嚟嘅藝員同港劇無數，曾經輝煌一時萬人空巷。
但可能系因為一家獨大，TVB對旗下藝員管理都系相當嚴苛，邊會似而家內地當紅明星天價片酬，TVB好多甚至都不如普通白領嘅收入，比如我哋熟悉嘅張衛健，佢喺TVB主演一集，都只有三四千港紙片酬。
1984年，張衛健以香港新秀歌唱大賽冠軍身分出道加入娛樂圈，喺張國榮嘅幫助下進軍歌壇之后，又帶住對做戲嘅熱愛踏入影視圈。佢嘅走紅絕對唔系偶然，喺做咗十年茄哩啡后，先畀TVB重用，然後做咗《日月神劍》嘅男主角，噉先爆紅。 
張衛健喺呢段期間畀我哋帶嚟咗好多經典作品，可以講占據咗我哋成個童年。其中，最讓misshk印象深刻嘅就系《西游記》。 
張衛健喺TVB版《西游記》中飾演嘅孫悟空古靈精怪，重情重義，但仲保留咗馬騮嘅扭計性格，魅力無邊。
但系邊個又可以諗到，當時張衛健主演呢部戲嘅時候，成部戲片酬收入先七八萬港紙。
據悉，噉嘅收入喺香港同的士司機系一樣嘅。到咗第二部嘅時候，TVB再次搵佢傾，張衛健想每集加多五千嘅片酬，但雙方冇傾攏，喺個無線一家獨大嘅情況下，不服從者直接強硬對待，於是之后就將主演換成咗陳浩民。
之后張衛健就畀TVB雪藏喇。
喺紅咗三年后，張衛健突然往下掉，迫不得已，唯有轉戰臺灣發展。不過禍兮福之所倚，福兮禍之所伏，看似被逼到走投無路才有的決定，卻讓張衛健絕地逢生。呢段時間，佢嘅經典作品風靡內地臺灣。
“亞視”喺1999年播出咗張衛健主演嘅古裝電視劇《少年英雄方世玉》，該劇再次令張衛健翻身。張衛健喺劇中飾演聰明伶俐嘅方世玉。
《小寶與康熙》中飾演韋小寶，喺大仁大義面前左右為難嘅韋小寶。更加系喺此劇中邂逅咗一生嘅摯愛張茜。
《機靈小不懂》中飾演聰明機智嘅不懂，此劇都算大牌云集，喺上海、江蘇以及臺灣等地區都創下收視佳績。
張衛健與謝霆鋒、柏雪、袁泉聯合主演咗古裝武俠劇《小魚兒與花無缺》，該劇喺廣州臺播出時最高收視突破15.4%嘅成績，成為近兩年嚟廣州地區收視最高嘅一部劇，都打敗咗TVB嘅一線劇喺廣州地區嘅平時收視。
《隋唐英雄》中飾演程咬金，成為芒果臺年度收視第二名，攞下全國同時段第一。
呢啲成就可以話狠狠打咗tvb臉，而家嘅張衛健又再次返咗tvb，出演《大帥哥》，但佢已經今時不同往日喇。
Like MisshkNews Facebook！不出门也能知天下事～
