兩位港姐冠軍主持新節目，畀觀眾批評把聲好嘈

由兩位TVB港姐冠軍麥明詩、馮盈盈主持嘅全新節目《荷蘭好玩》，喺禮拜日首播，兩人以其獨特風格，介紹當地景點畀觀眾。

觀眾事後對佢哋嘅表現有彈有贊，彈嘅方面包括“講嘢把聲好煩”、“聽到佢把聲真係「毛管戙」，真係好嘈呀！TVB好趕客”、“點解對荷蘭人講英文，但係又要人翻譯”等等。

至於贊賞嘅留言就有“麥明詩做返自己幾好，同馮盈盈各有風格，但係出嚟有火花”、“10A港姐真係唔敢去睇5D，而加咗馮盈盈又真係幾靚嘅，好過成日要睇大灣區啦。”、“佢哋兩個又真係幾搭嘅！”