兩位TVB視後畀「封殺」,TVB官方回應:劇集選角需要調整

TVB花旦李佳芯舊年憑借《BB來了》奪得TVB視後,田蕊妮于2013年憑借《巨輪》奪得雙料視後,不過呢排兩位視後卻傳出,因為喺網上發表言論激嬲大陸網民,分別就畀TVB雪藏同畀TVB官方微博封殺。

傳原定年尾開拍嘅《BB來了2》同《踩過界2》都受到影響,傳原定李佳芯嘅角色要撤換,《BB來了2》劇本更加要重新寫過,仲有主演嘅《殺手》原定安排喺臺慶檔播出,而家都證實畀TVB抽起。

李佳芯尋日喺電視城工作嗰陣接受采訪講∶“我哋其實好被動,因為據我所知,公司有安排,相信公司衡量過先決定,做最好嘅安排,我尊重公司。”

而田蕊妮主演嘅新劇《她她她的少女时代》正在熱播,但係TVB官方微博已經刪曬呢部劇嘅宣傳視頻,正常更新《包青天再起風云》同《愛回家》宣傳視頻。

記者就有關傳聞向TVB查詢,TVB企業傳訊部回復:“呢排有啲藝員可能受到內地觀眾特別關注同引發敏感情緒。TVB電視節目,包括劇集,一直以來喺內地發行,公司所以要喺營運上作出某啲反應同調整,包括選角事宜,純屬商業決定。”

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *