兩屆港姐冠軍曬合照,竟然畀網友「點錯相」

呢日,兩屆港姐冠軍麥明詩(Louisa)同馮盈盈(FYY)約埋一齊嘆大閘蟹,梗係唔少得影合照留念,佢哋仲齊齊喺社交平臺分享兼吸Like。

估唔到一張嘆蟹合照,都會有是非。有好多位網民留言問麥明詩:「你哋唔係反咗面乜?」、「你哋好返喇?」

麥明詩即刻澄清話:「你係咪搞錯咗?唔係我喎!」,點知道有另一位網民乘機「贈興」:「咁即係佢有同人反面?」

係人都知道,今年盛傳因為一次船P,令原本係好姊妹嘅馮盈盈、江嘉敏鬧翻,雖然佢哋否認,不過似乎好似口和心不和。

不過值得一提嘅係,網民竟然誤會麥明詩同馮盈盈反面,唔通麥明詩同江嘉敏撞樣,都可以咁懵分唔清?

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *