冬至繼續「分開」！王浩信、陳自瑤各自曬獨照

「TVB小生」王浩信與太太陳自瑤（Yoyo）近年好少同框，今年陳自瑤唔單止講明冇特別慶祝情人節，就連8月生日嗰陣，佢亦只係社交平臺曬獨照，老公照樣「失蹤」，再度傳出婚變。

尋日冬至，佢哋兩公婆都有喺社交平臺曬相祝賀，但就冇曬合照，反而各自曬獨照！王浩信曬咗一張健身相，留言：「祝大家冬至快樂！投入劇組之前最後沖刺！倒數五日」。

而陳自瑤就留言話：「送你滿滿的愛與祝福，冬至快樂！」照舊都冇「合體」。