TVB處境劇《愛回家之開心速遞》自播出以來一直都好評不斷，連帶劇中嘅藝人因此人氣急升，備受關注，包括喺劇中飾演「鐵面陳」嘅藝人王致狄。
日前，男神王致狄就趁住工作嘅空擋去泰國曼谷旅行，喺劇中王致狄多數都係西裝骨骨嘅亮相，而今次佢就喺社交平台大曬福利相，唔單止赤膊上陣勁騷結實胸肌同腹肌，更與陽光玩遊戲，吸粉無數。
不過佢就表示自己此行嘅主要目的係同朋友一齊慶祝生日，同時多謝酒店為其送上生日蛋糕，都算係一個意外驚喜。
佢話：“呢次去曼谷旅行，一去到就落咗幾場地雨，不過好彩出酒店泳池嗰陣就陽光普照，好開心天公作美。”
1984年出世嘅王致狄，喺16歲嗰陣就到加拿大讀書，後來喺多倫多大學經濟系學士課程畢業之後，就去銀行任職按揭經理，不過為咗方便照顧父母，佢喺2009年嗰陣就返香港。
然而當時正值金融海嘯，王致狄偶然間閱讀到《TVB周刊》發現咗藝訓班嘅申請表格，於是決定投考第23期無線電視藝員訓練班而涉足娛樂圈。
加入到TVB之後，王致狄所飾演嘅角色多數都係一啲配角類型，為咗增加收入佢就開始兼職電話銷售員同保險經紀，直到喺2017年接拍咗《愛回家之開心速遞》，佢先憑借劇中飾演嘅“陳小娟（鐵面陳）”呢個角色成功彈起，人氣急升。
除此之外，佢都參演咗唔少嘅劇集，比如《畢打自己人》、《談情說案》、《隔離七日情》、《萬凰之王》、《護花危情》、《鬼同你OT》、《使徒行者2》、《好日子》、《大帥哥》、《鐵探》等。
據悉，喺跟住落嚟嘅新劇《機場特警》、《黃金有罪》、《過街英雄》、《解決師》、《她她她的少女時代》中王致狄同樣有份演出，大家不妨一齊拭目以待！
Like MisshkNews Facebook！不出门也能知天下事～
