出爐港姐冠軍被爆做第三者，竟然回應…

「香港小姐2019」競選終于圓滿結束，三甲嘅佳麗終于誕生，冠軍係一號黃嘉雯大熱勝出、亞軍係5號王菲、季軍就係8號嘅古佩玲。

不過今年嘅港姐真係是非不斷，好似一直大熱嘅黃嘉雯Carmaney，除咗畀懷疑有隆胸，又形容佢係姣精，仲有人爆料指黃嘉雯曾經做第三者，就連當年介入他人嘅戀情情信都公開咗。

黃嘉雯情史多，雖然而家已經有一個貌似雷神嘅外籍男朋友，仲大方承認拍拖超過一年，不過選擇參選港姐，預咗會畀人翻舊帳。

之前就有人爆料指黃嘉雯曾經做小三，介入靚仔牙醫唐逸謙同正印關係，呢件事仲鬧上到高登同網上開戰，事後黃嘉雯喺公開活動淡定回應，承認自己曾經同呢位牙醫拍過拖，但堅決唔認佢係第三者。