前「TVB小生」堅持丁克,感激太太支持唔生細路

呢幾年,唔少TVB嘅藝人都選擇離巢向外闖,前段時間前「TVB小生」敖嘉年都宣佈咗離開TVB嘅消息,對于好鐘意佢嘅觀眾嚟講,顯然好可惜。

日前,敖嘉年喺訪談節目《是敢的》大方分享佢嘅人生經歷,敖嘉年講到父母喺佢十幾歲嗰陣離婚,佢係跟住老竇生活,細個嗰陣敖嘉年好生性,識得同老竇分擔生活上壓力,得閒佢做廚房、發廊等兼職。

之後嘅敖嘉年都唔知點樣就過檔嚟咗電臺做嘢,不過一開始嘅佢係同洪朝豐做助理,做咗一段時間之後,敖嘉年仲獲得咗洪朝豐嘅介紹跳槽到TVB。

啱啱進入TVB嘅敖嘉年并唔係做戲,而係由主持做起,佢第一個節目就係《城市追擊》,因為呢個節目嘅性質,敖嘉年經常因為好多突發新聞,而要第一時間趕到現場。

對于呢份工,敖嘉年覺得好攰,而且自己做嘅都未得到他人嘅肯定,有時仲會畀行家或者其他人鬧,所以敖嘉年就諗住合約滿咗之後就走,佢更希望留喺電臺做嘢。

而就喺敖嘉年諗住約滿走人嘅時候,TVB高層曾麗珍突然叫佢參演《封神榜》,對于高層嘅邀約,敖嘉年覺得好迷茫,第一就係自己原本已經諗住走,第二就係自己唔係演藝班出身,對于做戲一竅不通,敖嘉年仲話自己連劇本都唔識睇。

但呢啲對于敖嘉年嚟講,仲唔係最困難嘅事,最令自己難受嘅一次係畀路人叫做「茄喱啡」。

雖然敖嘉年嘅演藝生涯并唔係咁順利,但喺佢嘅演藝生涯中,佢好好彩噉遇到一個欣賞佢嘅「伯樂」李添勝,對方唔單止支持佢仲好包容佢,喺敖嘉年畀其他前輩演員投訴嘅時候,佢一直畀佢信心,叫佢唔好太在意,做好自己就得啦。

除咗「伯樂」添哥一直畀自己信心之外,喺生活中,太太都係敖嘉年好感激嘅,因為每次喺自己快堅持唔落去嘅時候,係太太一直畀自己信心。

而提到敖嘉年同太太仲未生細路嗰陣,敖嘉年就表示同太太唔計劃生小朋友,感激太太支持唔生細路,宜家見到敖嘉年同太太咁幸福,真係替佢哋開心,祝福你哋永遠幸福快樂。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *