呢排前「TVB小生」麥長青（麥包）喺疫市開店賣和牛，麥包表示由於決定開店到開得成，都只係兩三個月內嘅事，佢同朋友合資近百萬開鋪，囡囡因為疫情關係，唔可以返澳洲讀書，所以佢同老婆囡囡齊心搞好間鋪。
麥包仲話：「因為疫情關係，大家已經習慣留喺屋企，好少出街食嘢，大家都好注重衛生，多數喺屋企食嘢，所以就諗到開店賣和牛。」
麥包又贊街坊好好，大家都好團結，又互相幫襯：「業主都好好人，畀我啲租金平，而家都係一個時機嘅，危機危機，有危先有機，坐住唔係辦法，所以要幫自己搵一條出路。」
Like MisshkNews Facebook！不出门也能知天下事～
