前「TVB小生」痛哭愛妻因病逝世,享年59歲

尋日,賭王何鴻燊因病逝世享年98歲。同一日香港著名演員、曾經嘅「TVB五虎將」之一嘅黃日華嘅愛妻梁潔華喺醫院因為腎衰竭離開人世,享年59歲!

今日,愛妻心切嘅黃日華接受傳媒嘅電話采訪時一度哽咽,佢透露老婆喺尋日中午腎衰竭喺醫院安詳離世,對于老婆嘅離世,佢表示好痛心、難過。

同時,黃日華都向關心佢同佢老婆嘅朋友,以及長期以嚟照顧佢老婆嘅醫護人員表達感謝,至於老婆喪禮以及後續事情,佢同個女都仲未確定,佢都希望大家畀佢多啲時間同空間。

黃日華嘅老婆梁潔華喺2013年畀查出患有急性骨髓性白血病,對於原本幸福嘅一家無疑係一個噩耗同打擊,當時黃日華即刻停低咗手上嘅工作,飛返香港夜以繼日照顧老婆。

對于老婆患病嘅消息,黃日華當年一直冇對外透露,因為佢唔想老婆過多受到關注,所以佢一直將呢件事默默擺喺心中,獨自承受。

直到2015年,黃日華先透露老婆嘅病情,佢表示老婆喺2年時間里面,接受咗5次化療,體重由曾經嘅120磅暴跌至97磅,睇住當時老婆嘅狀況,佢好心痛,但係佢都無能為力,唯有默默守候佢,鼓勵佢。

喺2018年,就有傳聞梁潔華接受咗囡囡黃芷晴嘅骨髓移植手術,當時手術好成功,最近呢兩年都處於恢復期,冇諗到等嚟咗一個咁悲痛嘅消息,真係令人難受。

講到梁潔華,其實佢喺1979年通過TVB藝員訓練班正式出道,從影多年,雖然名氣唔夠黃日華咁大,但早年都算係TVB螢幕上相當具有代表性嘅配角角色之一。

好似《楚留香》、《萬水千山成日情》、《上海灘》、《女黑俠木蘭花》等經典劇集都有梁潔華嘅身影。

雖然演藝事業平平,但梁潔華呢世最好彩嘅應該係喺TVB識咗黃日華,當年佢哋郎才女貌、志趣相投好快就由朋友成為咗拖友。

最終梁潔華同黃日華喺1988年正式結為夫妻,梁潔華也喺1990年生咗兩個人嘅愛情結晶,囡囡黃芷晴。

有咗家庭同囡囡之後,梁潔華果斷放棄咗演藝工作,開始轉行做保險經紀人,而黃日華就繼續發展住自己嘅演藝事業,因此結婚咁多年,兩公婆嘅感情一直都好融洽,係圈內出咗名恩愛夫妻。

對於愛妻嘅離世,相信對於黃日華嚟講,的的確確係一個好大打擊,最后missH希望黃日華同佢個女節哀順變,都希望梁潔華一樓走好,愿天堂無痛苦!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *