前「TVB小生」離巢轉行揸的士,回應…

呢排新冠肺炎疫情肆虐,導致好多藝人都冇工開,而前「TVB小生」敖嘉年日前佢喺社交平台曬出揸的士嘅相,仲留言話:「開工啦,想聽咩歌?」。唔少網友都留言關心問佢係咪轉行。

敖嘉年今日回復傳媒嗰陣,笑住否認自己轉行:「嗰架的士係我朋友嘅,我影相玩玩嚇,我都冇的士牌。」但其實敖嘉年不嬲都有增值自己,有私家車、電單車牌之外,都有考獲重量達24公噸嘅中型貨車車牌。

敖嘉年透露之後會為ViuTV拍攝一個藝人揾嘢做嘅真人騷節目,佢話:「而家好多人失業,節目組想知道我哋如果以藝人身份想去搵工會做啲乜行業,我第一時間諗到開住一部電單車送外賣,因為疫情下好多餐廳都要轉做外賣生意。」

敖嘉年於今年一月尾喺社交網站發文,宣佈已經完成所有嘅工作,終於要正式離開超過廿年賓主關係嘅TVB,都希望外闖後嘅敖嘉年發展得越嚟越好。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *