前「TVB小花」宣佈大肚，感恩神送咗一份大禮物

前「TVB小花」陳明恩日前喺社交平宣佈已經喺今年2月約滿TVB并離巢，尋日（5月28日）陳明恩喺社交平台報喜，宣佈同老公鄭獻造人成功，上天送畀佢哋一個小天使！

陳明恩曬出揸住超音波同寫有「Born 2020」字樣嘅嬰兒衫相，冇透露BB性別，發文話：「好感恩今年神送咗一個好大嘅禮物畀我哋，我哋會好努力學習點樣培養呢個小朋友。」

陳明恩喺2017年同初戀男友Eddy結婚，婚禮以基督教儀式舉行，佢好錫老公，大贊對方好細心同埋關心自己，工作上更加係認真、上進。

結婚之後嘅陳明恩依然繼續做佢鐘意嘅演藝事業，估唔到三年之後佢就準備升呢做媽咪，踏入人生新階段，事業同家庭都踏入新嘅一頁。

陳明恩喺TVB13年時間里面，曾經參演多套劇集《神探高倫布》、《名媛望族》、《老表，你好嘢！》、《老表，畢業喇》、《機場特警》等劇集，告別作為係正在熱播嘅《飛虎之雷霆極戰》都可以見到佢。

唔理點樣，宜家見到陳明恩兩公婆咁幸福，真係替佢哋開心，祝福你哋永遠幸福快樂喔。