前「TVB御用鬼妹」大肚4個月,宣布一索得男

前「TVB御用鬼妹」陳明恩今年2月宣布約滿離巢,5月份嘅時候佢喺社交平臺高調宣佈有喜,佢同結婚3年嘅老公鄭獻造人成功懷上混血BB。

今日,陳明恩喺社交絲網再宣布BB嘅性別,佢透露腹中嘅BB係男仔,兩夫妻一索得男,真係替佢哋開心,恭喜恭喜。

已經佗B4個月嘅陳明恩,今日朝早喺社交平臺曬出同老公嘅合照,陳明恩手上仲拿住一個「boy」字嘅氣球,以呢種方法嚟公布BB嘅性別。

陳明恩仲留言話∶「Oh Boy!BB Cheng is a boy!」佢仲表示好多朋友之前都估到佢懷嘅係男BB,而家佢知道可以為BB準備乜顏色嘅衫同BB用品。

現年39歲嘅陳明恩,細個嗰陣跟住父母嚟香港生活,喺香港大嘅佢,雖然係一個鬼妹仔,但佢可以講得出一口流利嘅廣東話。

畢業于香港演藝學院畢業嘅陳明恩,唱歌、跳舞、做戲都難唔倒佢,早年主要係舞臺劇、音樂劇方面發展。

2007年陳明恩加入TVB成為合約藝人,首部參演劇集係處境劇《同事三分親》,而佢最為人熟嘅劇集就係《老表,你好嘢!》。

之後陳明恩又喺歌唱比賽節目《星夢傳奇》中勇奪季軍,終圓歌星夢。

今年2月份,陳明恩喺社交平臺宣布約滿離巢,結束同無線13年嘅賓主關係,而佢喺TVB嘅告別作係劇集《飛虎之雷霆極戰》。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *