前「TVB花旦」幫囡囡慶祝生日，老公不見蹤影惹…

前「TVB花旦」陳自瑤同王浩信呢幾年屢傳婚變，尋日囡囡8歲生日，陳自瑤就喺社交社交平臺透露，親自整生日蛋糕為囡囡慶祝，又大曬布置場地嘅相，非常有心思。

陳自瑤仲留言話：「親手做咗一件蛋糕，送畀最親愛的你，小寶生日快樂，你快樂所以我好快樂。」

但張相中就見到陳自瑤一個人，王浩信繼續不見蹤影，而唔少圈中好友好似啱榮升做媽咪嘅楊秀惠、黃翠如、李施嬅等人都有送上祝賀，但王浩信就未有留言。

而再睇返王浩信嘅社交平臺，佢并冇曬出囡囡生日相或者家庭相，反而改曬單人獨照，此舉又令二人婚變傳聞再次備受網民熱議。