前「TVB花旦」為父母慶祝金婚,富豪老公罕有現身

前「TVB花旦」黎姿而家已經係上市醫學美容公司CEO,呢日佢喺社交平臺曬出幾張為父母慶祝結婚50周年紀念日嘅相,黎姿更為父母準備咗個三層粉色蛋糕,外層以金色嘅葉子作為點綴。

黎姿嘅父母同三個外孫女一齊切蛋糕,老公馬廷強就同岳父岳母一齊舉杯,場面好溫馨,不過黎姿曬出嘅相中就未見細佬黎嬰嘅身影。

黎姿祝福父母「幸福安康,開心咁過每一日」之余,更表示自己由父母嘅身上睇到咗互相忍耐同包容,父母身上勇往直前,走過人生嘅每一步嘅生活態度值得自己去學習。

黎姿出身于演藝世家,細個嗰陣本來住喺何文田豪宅,黎姿嘅爺爺黎民偉有住「香港電影之父」之稱,嫲嫲林楚楚係香港第一代電影明星,而姑媽黎宣、黎灼灼,伯父黎鏗都係演員。

可惜爺爺嫲嫲過身之後家道中落,一家人搬去屋邨,黎姿老竇患有腦膜炎失聰,聽力得二三成,視線都好差,喺健身會打雜,全家主要靠阿媽做貨車司機維持生計。

黎姿童年嗰陣就曾經以童工身份演出舞臺劇,以減輕阿媽嘅負擔,黎姿就讀中二嘅時候,畀歌星許冠杰發掘,將佢介紹到新藝城影業有限公司試鏡,擔任數日嘅臨時演員。

生性嘅黎姿喺中三就輟學出道拍戲,成為家庭嘅支柱,將賺返嚟嘅錢都用喺支付老竇嘅醫藥費同供細佬返學。

1987年黎姿暫別娛樂圈,返學校完成學業,并于香港培正中學畢業之後,修讀香港演藝學院舞系課程。

2001年黎姿同吳啟華、佘詩曼領銜主演嘅古裝武俠劇《倚天屠龍記》中,黎姿飾演嘅趙敏到而家仲係好多網民心目中不可替代嘅經典。

2004年經典宮斗劇《金枝欲孽》,黎姿飾演表面毫無城府,實則心思縝密,為達目的不擇手段嘅“侯佳·玉瑩”,畀黎姿演繹得淋漓盡致,佢更加係憑借呢個角色獲得咗《萬千星輝頒獎典禮》我最喜愛的女主角獎。

2007年黎姿細佬黎嬰遭遇嚴重車禍,黎姿喺第2年參加《珠光寶氣》電視宣傳活動時宣布,全面退出娛樂圈。

黎姿退出娛樂圈之後專心照顧細佬,之後佢結婚生子嘅同時,更以事頭婆身份到細佬嘅診所主持大局。

結婚之後嘅黎姿,為老公馬廷強先厚生落咗3個女,兩個人一直生活得好幸福,48歲嘅黎姿一路都將家庭擺喺第一位,唔理點樣宜家見到黎姿同富商馬廷強咁幸福,真係替佢哋開心,祝福你哋永遠幸福快樂喔。

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *