前「TVB花旦」罕有曬泳照,真係十年如一日

前「TVB花旦」黎姿(現名黎珈而)喺2008年同老公結婚之后就退出娛樂圈,一方面過住幸福少奶奶嘅生活,一方面打理醫學美容生意,雖然工作忙碌,黎姿身形同樣貌依然保養得好好。

黎姿呢日喺社交平臺罕有噉曬出泳衣相,見到佢住一件頭泳衣,身材相當均勻,真係十年如一日。

講到黎姿,其實佢出世于電影世家,9歲嗰陣曾經參與演出《百合花:離巢》,同姑媽黎萱一齊演出。

之後到14歲讀中二時畀許冠杰發掘入行做演員,參演電影《開心鬼放暑假》,因為黎姿呢部戲而人氣急升,所以唔少人以為呢部係黎姿嘅第一部影視作品。

黎姿一直係唔少網友夢中情人,特別係參演2004年TVB經典劇集《金枝欲孽》,當中飾演“玉瑩小主”嘅黎姿,精緻嘅小臉襯上水汪汪嘅大眼睛,美貌長久烙印喺網友嘅心中。

而黎姿最後一出劇集係2008年嘅《珠光寶氣》,佢仲喺劇集首播當日宣佈退出娛樂圈,同年佢下嫁富商馬廷強。較早時黎姿接受采訪指仲有戲癮,但就直言暫時冇復出拍劇嘅計劃。

唔理點樣,宜家見到黎姿同富商馬廷強咁幸福,真係替佢哋開心, 祝福你哋永遠幸福快樂喔。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *