前「TVB花旦」胡杏兒仔仔生日派對，星光熠熠群星到賀！

前「TVB花旦」胡杏兒呢排由大陸返香港，佢除咗同老公李乘德拍拖之外，身為廿四孝媽咪嘅佢，梗係要為即將4歲生日大仔Brendan大搞慶祝派對。

胡杏兒仲請咗好多圈中星級父母，包括蘇永康夫婦、陳展鵬與單文柔、羅力威與雨僑、陳敏之、Coffee林芊妤同老公等，現場星光熠熠認真熱鬧。

最大亮點就係「胡說八道會」終于6姊妹齊人，李施嬅、黃智雯、姚子羚、胡定欣同胡蓓蔚個個到齊，大曬姊妹情。

其中胡定欣再度同曾經傳不和嘅緋聞舊愛陳展鵬同現任太太單文柔同場，雖然未有同框合照。

但其實佢哋一早冇芥蒂，較早時胡定欣生日，陳展鵬都有為佢慶祝，被指「正式破冰」。