最近經常會發生藝人社交賬號被盜事件，繼月頭天王郭富城發生被盜事件之後，前「TVB花旦」車婉婉（Stephanie）今次都係受害者之一。
尋晚，車婉婉喺社交平臺自爆社交賬號被盜，呼吁大家提高警惕，好彩嘅係佢最終獲得貴人幫手，帳號資料可以完全攞返。
講到車婉婉，其實佢除咗係一位演員之外仲係一位歌手，2000年佢同許志安合唱嘅《會過去的》出街之後就街知巷聞，并獲得各電臺熱播，佢更憑此曲獲得多個殊榮，包括叱吒樂壇流行榜頒獎典禮等等。
而車婉婉喺2001年參演《皆大歡喜》飾演萬貴妃一角，成功入屋人氣急升，2003年佢仲參演《皆大歡喜2》，2007年嗰陣車婉婉約滿離巢。
2017年車婉婉選擇復出、再度返TVB拍攝《與諜同謀》，之後佢仲參演咗《是咁的，法官閣下》、《好日子》、《牛下女高音》、《大醬園》等劇集。
其實車婉婉當初選擇復出拍劇嘅時候， 曾經一度擔心觀眾唔記得自己，所以要多啲出嚟做嘢讓觀眾認識自己，而佢覺得拍TVB劇集可以磨練佢嘅演技。
唔理點樣，都係希望車婉婉喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
