前「TVB花旦」近照大曝光,佢竟然係許志安初戀女友

前「TVB花旦」崔加寶(原名崔嘉寶)曾經參選《1986年香港小姐競選》,選美結束之後加入TVB,先后參演過《大都會》、《天涯歌》、《闔府搶錢》、《金牙大狀》同《刑事偵緝檔案》等經典劇集。

闊別幕前26年嘅崔加寶,日前佢宣佈復出,為亞洲心動娛樂(AMM)拍攝新劇《逐流時代》,呢日佢出席美容公司開幕禮時接受訪問,透露係因為林文龍嘅邀請先出山拍劇。

崔加寶表示:「呢廿幾年嚟主力做師奶,而家捱到仔女大咗,變得好得閑。林文龍知道之后就邀請我拍劇,仲揾咗戚其義做監制。坦言自己廿幾年未拍過劇,自嘲係最老新人。」

講到崔加寶,其實當年佢係TVB力捧嘅銀河十星之一,當年出道飾演過幾套劇之后,就被安排同當時當紅嘅廖偉雄拍檔飾演《黃泥恩情》,原本以為會令佢事業更上一層樓。

點知道劇集出街冇幾耐之后,崔加寶又繼續畀TVB安排去飾演舞女、路人甲等閑角。由一線跌落十線,邊個都會失望!

崔加寶雖然心有不甘,但佢堅持默默耕耘,最終爬上TVB花旦席位。

崔加寶仲係許志安嘅初戀女友,佢哋更曾經合作過!

不過喺1995年,正值崔加寶事業高峰之際,崔加寶拍完《情濃大地》之后宣布息影結婚,下嫁晨曦足球隊其中一位班主周文曦,結婚之后生咗三個細路,全職做幸福人妻。

而好少公開蒲頭嘅崔加寶,2019年曾經為咗撐曾患驚恐症嘅好姊妹李珊珊,為精神健康基金會拍攝短片!

唔理點樣,希望崔加寶有機會可以繼續畀我哋帶嚟好嘅作品,期待期待!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *