前「TVB視后」曬學生相，清秀外貌明顯無整容

前「TVB視后」唐詩詠一直保養得宜，雖然差唔多4字頭，但睇落去仲係好後生，今日佢曬出自己中三嗰陣嘅學生相，除咗個樣更加後生之外，基本上同而家冇乜大變化，網友紛紛大贊靚女。

好姊妹黃翠如見到相之後，即刻留言講：「Hi cute cool girl」，而好拍檔王浩信就留言：「Saving哥當年喺ICQ約咗佢，但最後冇出現嘅嗰個人……不懂撒嬌的女人之番外篇！」

之後唐詩詠再回應：「佢掛住上網打機，冇出去！」

搞到網友好興奮，紛紛叫佢哋快啲開拍續集，其實繼《不懂撒嬌的的女人》之後，較早時唐詩詠同埋王浩信已經再合作過《解決師》，同樣都好受歡迎，相信再合作應該一樣有捧場客。

傾到感情方面，唐詩詠曾經表示自己唔會理會外界聲音，對于擺脫單身都唔心急，以前嘅唐詩詠性格可能比較心急、鐘意盲沖直撞，但現時嘅佢就會用更長時間去認識新對象。