前亞姐「崩鼻」多年搞唔掂, 坦言破相冇乜大不了!

較早時踏入45歲嘅前亞姐韓君婷,呢排佢喺社交平臺曬出比堅尼性感相片,自信笑容再加上Fit爆身型,簡直明艷照人,不過韓君婷嘅人生並非一帆風順。

皆因韓君婷曾經因為喼弗導致身心受挫,又曾經患上抑鬱症同厭食症,更因為喺屋企不慎跣親撞崩鼻,畀外界狠批整容,之后男友因為肝癌離世,真係歷盡人生考驗。

韓君婷經歷過唔同嘅難關,呢幾年佢終于開始行出陰霾。今年喺疫情影響下人人都會留喺屋企抗疫,韓君婷就做運動操Fit身型。

對于因為意外撞崩個鼻,韓君婷又話唔會再去修復,坦言破相冇乜大不了!佢又希望大家可以留意佢嘅內在美,并感恩呢次嘅意外令佢有咗動力去重整事業同重整人生。

講到韓君婷,其實佢喺1997年選亞姐奪亞軍出道(后替補為冠軍),佢喺2001年轉投TVB,拍攝過多部熱門劇集,如《窈窕熟女》、《奇幻潮》同《妙手仁心III》等。

不過,韓君婷早年卻有一段時間因為下圍肥胖,而畀冠上「蘿霸」、「巨躉」等難聽嘅綽號。之后佢就成為纖體公司代言人,曾經瘦身得80幾磅。

2010年底,韓君婷暫時退出娛樂圈移居新加坡,從事OL嘅工作。2014年佢又唔好彩喺沖涼房跣親撞崩鼻,由于因為經濟問題而未能及時治療,所以令佢破相。

所以韓君婷多年來四出求醫,但都未見成效,反畀網民嘲笑整容失敗,之後佢同相依為命嘅媽咪喺2018年離逝,令佢一度跌入谷底。

之后,韓君婷重返香港但未能重返演藝圈,所以轉行到醫學美容中心做OL,宜家佢有拍攝下廚同化妝嘅短片做網紅KOL,幫補收入。

韓君婷同「六合彩之子」蔡國威成為密友,佢哋相交多年,因為定期現身「A記同學會」飯聚,所以由舊同事升呢到「好朋友」。

呢幾年,韓君婷、蔡國威經常畀影到一齊出入寓所,男方亦向傳媒直認佢哋已經同居,不過韓君婷相對低調,到而家未正式公開佢哋嘅戀情。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *