前亞姐承認做小三,當眾掌摑畀迫退出娛樂圈

當年亞視仲冇沒落嘅時候,亞姐同港姐互相抗衡,都出現過好多令大家為之驚艷嘅女神,其中畀喻為亞姐中嘅亞姐、1995年四料亞姐冠軍楊恭如

楊恭如選美結束之後,順利進入娛樂圈做演員,首部電影係愛情巨作《甜蜜蜜》,同張曼玉、黎明合作,佢喺套戲入面飾演黎明嘅女朋友方小婷。

但如果要講楊恭如嘅代表作,肯定係亞視巔峰之作《我和僵尸有個約會》,佢喺里面飾演文靜溫柔嘅王珍珍。

後尾喺1999年約滿亞視之後,楊恭如就慢慢淡出香港娛樂圈,主力去大陸拍攝電影同劇集。

直到2008年9月份,楊恭如難得返香港參演電影《不義之戰》,同唐文龍、何珮瑜等人合作。

不過真正令楊恭如退出香港娛樂圈嘅原因係小三風波。喺2001年嘅時候,楊恭如同媽咪去上海置業,托朋友介紹識咗上海首富周正毅。周正毅好鐘意楊恭如,送完名車再送豪宅。

雖然當時周正毅一直未婚,但外界基本都知道佢有一位女朋友叫毛玉萍,兩個人一齊喺上海打拼,有實質嘅婚姻生活但辦理結婚手續。

據悉,楊恭如唔滿足情侶關係,想要同周正毅步入婚姻,不斷催佢處理呢排三角關係,直到數月之後,楊恭如喺銅鑼灣某意大利餐廳畀一少婦當中指鬧「你做乜勾引我老公」,之後仲畀對方掌摑。

呢單嘢經過傳媒瘋狂報道之後,搞到滿城風雨,楊恭如冇咗大量工作同廣告代言,多年嚟樹立嘅清純形象都蕩然無存。

楊恭如直到多年之後,先喺某采訪中認咗小三事跡,聲稱自己當年之所以介入周正毅、毛玉萍之間,係因為男方從來冇話自己有老婆,當自己發現做咗第三者嘅時候,都好受傷。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *