前港姐亞軍鐘沛枝曬近照,撞樣朱千雪!

現年39歲嘅鐘沛枝,佢喺18歲嗰陣參選2001年香港小姐奪得亞軍而入行,雖然佢已經淡出娛樂圈多年,但佢保養得好好甚至比選美嗰陣更靚。

呢日,鐘沛枝喺社交平臺曬出近照,見到佢撞樣朱千雪,相似度高達9成以上,好似兩姊妹咁樣。唔少網民都留言表示:愈嚟愈靚、真係好似朱千雪、仲有啲似黎姿。

講到鐘沛枝,其實佢當年加TVB之后馬上被安排做主持,可惜出鏡、曝光率遠遠唔夠同屆冠軍楊思琦。

之后鐘沛枝有參演過少量劇集,《天涯俠醫》就係佢入行嘅第二部經典作品。

其實當初鐘沛枝參選港姐係為咗完成媽媽嘅心愿,同時又覺得做主持冇人睇,心灰意冷下決心離開TVB。

鐘沛枝離開TVB之後,就去國泰做咗四年地勤,縱然得到公司賞識,有機會升職加薪,佢都毅然拒絕,因為面對住心急嘅客人嗰陣,少不免會發生唔開心情況。

為咗可以開開心心工作,貪靚嘅鐘沛枝下定決心轉行做美容,喺美容中心擔任員工形象指導顧問,有唔少人話佢同朱千雪撞樣。

據悉,鐘沛枝近年已經炒老細魷魚專心做少奶奶,而鐘沛枝父母經營嘅燒臘檔喺上環係老字號,經常大排長龍,佢得閑嗰陣都會返鋪頭幫手收錢,分擔屋企人嘅工作,認真孝順。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *