前港姐入行14年未拍過幾部劇,自嘲仲係新丁

前港姐張嘉兒喺收到《陀槍師姐2021》劇本嗰陣,可謂未開工先興奮,佢話:「同宣萱有合作過《飛虎》,之后都有保持住聯絡,大家同聲同氣,劇里面又係好姊妹,所以拍得好開心呀。」

由於張嘉兒每隔幾年先接一套劇,所以未開工之前佢打電話畀宣萱求救,佢話:「宣萱一聽到電話好開心,話自己終于用得著,仲用咗幾幾鐘教我邊個位應該點做,好細心,幫咗我好多,所以好多謝她。」

除咗宣萱之外,張嘉兒許紹雄幫佢唔少,皆因最初因為冇乜記性,讀對白覺得有壓力,好彩許紹雄一直鼓勵我,兩場之后就放松咗好多。

入行已經14年嘅前港姐張嘉兒,原來只拍過5、6套劇集,唔怪得自嘲仲係新丁,佢透露呢幾年先后兩度產女,對上一部作品已經係2019年嘅《婚姻合伙人》。

問到會唔再追第三胎,張嘉兒表示:因為自己係4姊妹,所以曾經有段時間都好想追第三胎,但后嚟發現兩個女需要我嘅時間愈來愈多,老公又鐘意二人世界,所以打消咗呢個想法。

由于照顧小朋友已掗咗唔少時間,張嘉兒坦言同圈中朋友已經好少時間見面,好彩宜家科技發達,可以通過手機聯絡。

 對于一班姊妹中剩返蔣家旻尚未有著落,問到會唔會介紹男仔嚟畀佢?張嘉兒話:「唔擔心佢,佢有嘅。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *