前港姐再次勾搭人夫王浩信，無懼「小三稱號」

從茄喱啡到TVB一哥嘅王浩信，自從拍攝《踩過界》成功走上位之後，事業婚姻難兼顧，多次傳出同老婆陳自瑤離婚，疑似有小三介入。

呢位小三自然係戲中嘅戀人蔡思貝，港姐亞軍出身嘅佢，論演技知名度唔夠其他人，唯有從緋聞入手。

自入行到而家，蔡思貝嘅緋聞不斷，從洪永城、羅仲謙、到中年型男吳啟華，而家嘅人夫王浩信，奶油小生余德丞、無一不可幸免。

日前，蔡思貝啱啱被踢爆同胡鴻鈞相戀，兩個人十日內密會三次，男方更做女方嘅柴可夫司機，港九管接管送，睇嚟情非泛泛。

此外，蔡思貝同余德丞嘅緋聞，亦傳得甚囂塵上，兩個人自從前年合作到緬甸拍攝旅游節之后，一拍即合。

之后，蔡思貝同余德丞就經常網上傳情，毫不避忌曬親密合照，又成日以情侶檔出席商演活動，關係曖昧。然而，蔡思貝否認同胡鴻鈞、余德丞拍過拖。

最近，蔡思貝將呢兩位新寵男友一一拋之腦後，皆因再續前緣拍攝《踩過界II》，難得同王浩信又一次朝夕相對，佢即刻大力發功，情不自禁噉姣電男方。

蔡思貝與王浩信一齊為《踩過界II》開工拍外景，畀記者影到蔡思貝全程心情風騷，連番出擊，實行做積極進取派，以嗲功姣男方，王浩信春風滿面、心花怒放。

緋聞女王絕對唔係浪得虛名，喺拍攝《踩過界》嘅時候，蔡思貝同王浩信就被指孤男寡女開房打邊爐，又有傳佢哋喺北角幽會，導致男方同老婆陳自瑤（YoYo）出現婚姻危機。