前港姐再演癡情女，憑借演技成功彈出！

「TVB視帝」馬國明喺熱播劇《降魔的2.0》內不惜自毀形象，繼首集睇AV睇到流口水、鐘情女優瑠佩悅子之後，呢集講到馬國明希望用尿淋醒石敢当現身。

估唔到屙到一半嗰陣，飾演精靈貝貝娜嘅劉佩玥突然間現身，誤打誤撞見到“奇景”，嚇到尖叫嘅馬國明喺電視機前露前又露後兼曬長腿，場面相當香艷攪笑。

大家一齊嚟回顧搞笑片段

事後劉佩玥講到見到馬國明除咗剩翻條底褲一幕，即攪笑擺出“微笑”手勢話：「我乜都睇唔到呀，哈哈……其實拍攝嘅時候做足安全措施，唔會出錯嘅。（有無失望？）完全冇期望，所以冇望！」

講到劉佩玥，其實佢入行之前做過模特兒同空姐，之後喺2013年參加《香港小姐競選》勇奪季軍入行，佢由主持做起，之後首次拍攝《四個女仔三個BAR》開始慢慢上位。

直到劉佩玥喺《幕後玩家》飾演黃宗澤嘅二奶，有別于之前乖乖女嘅形象，入木三分嘅演技，讓人又愛又恨，畀網友封為史上最強小三，同時睇到劉佩玥演技上嘅進步，前途無可限量。

入行7年，劉佩玥更畀指係不受TVB力捧，而憑自己嘅演技彈出嘅藝人！

劉佩玥平時工作之餘，有時間都會出一下書，佢就曾經試過自駕游去美國，制作佢嘅文字相冊《我的微笑之道》。

制作嘅每一個環節，從構思、服裝、統籌、策劃到路程設計，劉佩玥都係親力親為，更加不惜花費6位數，嚟完成自己嘅夢想，希望喺繁忙嘅工作中能夠抽空完成自己嘅夢想，放空一下自己。