前港姐同好姊妹聚會，對方由童星變韓星

前港姐朱千雪（Tracy）舊年8月份同拍拖5年嘅醫生男友吳昆倫（Justin）喺峇里結婚，較早時朱千雪更畀爆出有喜，但佢事後否認懷孕消息，話自己只係變肥咗啫。

今年係朱千雪成為人妻，第一年派利市，尋晚佢喺社交平臺曬合照，原來佢同已經成為韓國女團CLC成員嘅莊錠欣（Elkie）敘舊，并向對方派利市。

現年21歲嘅莊錠欣原來係童星出身，佢同朱千雪曾經喺劇集《On Call 36小時II》合作過，并飾演吳啟華女兒，兩個人好投契。

當年莊錠欣得13歲，除咗拍攝《On Call 36小時II》之外，仲演出過《富貴門》、《公主嫁到》、《怒火街頭》、《老表，你好hea！》等。

朱千雪仲留言大贊莊錠欣，指佢已經大個女，喺追隨夢想嘅同時，仲保持佢嘅謙遜、善良同天分，并以佢為榮。