前港姐同緋聞男友High到癲,竟然玩埋「女上男下」!

日前,《#後生仔傾吓偈》出街到第600集,前港姐馮盈盈舉行「偽船P派對」慶祝,明顯攞佢同賭王何鴻燊四房公子何猷亨船P派對嚟講笑,不過馮盈盈未有為此影響雅興,現場更同緋聞男友鄭衍峰High到癲。

有網民要求佢哋深情擁抱,馮盈盈興奮得大叫:「我諗到啦,我哋係專業嘅,唔會扭扭擰擰。」但佢哋就互搭膊頭敷衍了事,一班後生仔就喺旁邊起哄,鄭衍峰即抱起馮盈盈,相當親昵。

此外,有網友更要求佢哋重演《反黑路人甲》中,馮盈盈畀王浩信扯爛衣服露bra一幕。

但佢地卻交換角色演出,馮盈盈突然間胸襲鄭衍峰,先扯開件衫再扯開打底背心令對方露點。馮盈盈情緒馬上變得好興奮,好彩鄭衍峰即刻捉住佢隻手示意閘住。

高潮一浪接一浪,佢哋再按網民要求做瑜伽,鄭衍峰用對腳將馮盈盈成個托起,佢哋順勢十字緊扣,現場更有人起哄錫錫,最后眾人開香檳舉杯慶祝,笑言「好似一對新人」!

放片一齊欣賞片段

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *