前港姐否認同劉愷威拍拖,再次強調自己係單身

日前傳媒曝出劉愷威與前港姐湯洛雯(靚湯)拍拖,不過后尾兩個人都否認有關傳聞。今日湯洛雯出席TVB活動,佢喺受訪時再次強調自己係單身。

問下而家有無同劉愷威聯絡過?湯洛雯回應話:“真係冇啊!因為呢件實在太離譜,都唔使聯絡啦!”

對于舊愛羅天宇較早時有祝福佢有新戀情,佢笑住話:「佢試唔祝福我吖!但今次唔係真嘅,點解要祝福我呢?平時佢講嘢都一舊舊嘅。

(同羅天宇真係冇可能復合?)冇可能!我同佢係好好好好嘅朋友,已經過咗變愛情嘅位置,而家我哋係親人嘅感覺。”

講到湯洛雯,其實2012年湯洛雯報名參加香港小姐競選,雖然最後落選,止步六強三甲不入,但仲係橫掃咗“旅游大使獎”同“美麗升華大使獎”兩個獎項殊榮。

選美結束之後,湯洛雯就獲TVB高層賞識,簽約TVB旗下發展,并主力接拍電視劇。

2013年,湯洛雯憑處境劇《愛回家》人氣急升,佢喺劇中飾演李思思一角大獲好評,成功入屋,雖然係新人,但佢演技就備受外界嘅贊賞同關注。

“湯洛雯 港姐”的图片搜索结果

次年,湯洛雯又獲捧加盟超人氣節目《學是學非》中,成為主持之一,隨著節目嘅熱播,佢嘅人氣再次急升,知名度亦逐步提升,星途亨通嘅湯洛雯,跟住繼續喺多部劇集中亮相,戲份都越嚟越重。

唔理點樣,梗係希望湯洛雯可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *