前港姐唔聲唔聲嚇一驚,宣佈結婚兼佗B

前港姐楊思琦視愛女Krystal(楊卓穎)如命根,作為單親媽咪嘅佢獨力照顧Krystal,寧愿慳自己都唔會慳囡囡,希望將最好嘅畀個女,不過今日就有指楊思琦肚凸凸現身,驚傳再大肚!

楊思琦回覆記者時,直認大肚,更宣布年中已與圈外男友喺外地結婚:「多謝大家祝福,喺年中嘅嗰陣喺外地同圈外男朋友注冊結婚,我終于可以同大家講呢一個好消息,我已經搵到我嘅愛的森林啦!囡囡都好開心可以做家姐。」

楊思琦對于老公嘅身份好口密,佢解釋話:「佢係圈外人,唔想影響到對方,所以先低調處理老公同BB。(老公係咪之前傳緋聞嘅高健行?)唔係,老公係由朋友介紹。

(點解咁遲先公開喜訊?)之前驚BB小氣,但主要係唔想影響另一半同BB,都係計劃之內,所以就冇專登去公佈或者隱瞞,順其自然,大家發現嘅話問到我會認。」

楊思琦2001年參選香港小姐競選獲得冠軍,2002年佢代表香港出賽國際華裔小姐競選晉級前5強,之後簽約TVB開始其演藝生涯。

2002年,因為拍攝劇集《血薦軒轅》,楊思琦邂逅同劇演員,李家鼎嘅仔李永豪,兩個人拍拖多年,去到談婚論嫁嘅階段,但2011年6月楊思琦突然間向傳媒單方面宣布分手,結束9年嘅情侶關係。

2012年3月,楊思琦喺社交平臺上宣布,自己生落一個女叫楊卓穎,喺美國未婚生女嘅楊思琦并冇透露囡囡老竇嘅身份。

而家楊思琦有房產有工作又對囡囡照顧周到,而家更加係揾到自己嘅Mr.Right,misshk真係替佢開心。

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *