前港姐喺《愛回家》大晒泳装,「膊」老命搶Fo

TVB劇集《愛回家之開心速遞》大受歡迎,最近更踩過界拍綜藝節目,而尋晚播出一集中,多位女子組成員包括“熊心如”蘇韻姿、“熊若水”呂慧儀、“垃圾清”周梓盈等大曬泳裝。

而男子組“Terry”李偉健、“鐵面陳”王致狄、“歸蜀明”繆家慶等就赤膊上陣騷肌,都幾有睇頭。

呢日蘇韻姿亦有喺社交平臺,大曬當日拍攝泳裝場口嘅花絮相,當中雖然佢打扮未算錫士,但佢曬出靚靚膊頭,成功搶fo。

佢亦有與同劇演員逐一合照,原來因為平時喺劇中佢甚少同“威龍百貨”嘅同事同場,所以就把握機會集郵。

1993年生嘅蘇韻姿,喺加拿大多倫多長大,由于自細對演藝好有興趣,於是喺四年級嗰陣就轉讀多倫多公立藝術學校,后來喺皇后大學主修戲劇,副修音樂。當時喺加拿大,蘇韻姿都喺電視節目中擔任主持同客串電視劇。

直到2016年回流到香港,蘇韻姿馬上參加咗《2016年度香港小姐競選》,畀視為大熱嘅佢,最后就大熱倒灶,落選港姐。不過備受賞識嘅佢,喺選美結束之后就進入到TVB,入讀為期三個月嘅演藝進修班,正式成為藝人。

期間呢,佢都參與拍攝過幾部嘅電視劇,比如《老表,畢業喇!》、《誇世代》等,要講印象最深刻嘅,就系《愛·回家之開心速遞》中飾演嘅「熊心如」。儘管一開始演技青澀,但系經過演出嘅磨煉,佢進步大家都系有目共睹嘅。

唔理點樣,期待蘇韻姿畀我哋帶嚟更好嘅作品,都期待佢喺《愛·回家之開心速遞》跟住更精彩嘅演出!

 

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *