前港姐失蹤一個月後回歸《愛回家》,透露……

呢排就有唔少眼利嘅網友發現《愛回家之開心速遞》,熊家三小姐「熊心如」(蘇韻姿飾)失蹤一個月,唔少網友都擔心佢嘅去向,紛紛到蘇韻姿嘅社交平臺留言。

蘇韻姿接受訪問,直言收到唔少粉絲留言問佢點解失咗蹤,原來呢位孝順女係休息兩個星期返加拿大探親。

蘇韻姿話:「好開心攞到一個長假,慶祝媽咪生日,當然我都有返去母校皇后大學,嗰啲朋友都好好,請假陪我返去大學。」

蘇韻姿仲話:「好開心,大家都好緊張我,放心,我已經放完假返嚟啦!而且返嚟就收到好消息,就係喺下年開始《愛回家》一個星期播足7日,我儲夠能量,可以努力拍攝。」

據悉,蘇韻姿自細就喺加拿大多倫多成長,佢有兩個細佬同一個細妹,從小學四年級開始,佢就一直學習關於藝術嘅課程,後來大學畢業于皇后大學,同樣係主修戲劇,副修音樂等藝術課程。

2015年,蘇韻參加加拿大新時代電視「星秀動全城Vocalibre 2015」歌唱比賽,并喺節目中勇奪亞軍,之後就被安排喺當地擔任電視節目同客串加拿大劇集。

2016年,蘇韻姿嚟港參選香港小姐,雖然冇緣三甲,但卻止步于四強獲得殿軍名次,之後就獲TVB青睞,安排佢入讀為期三個月嘅演藝進修班。

次年,蘇韻姿畀監制選中出演《愛回家之開心速遞》演熊心如(紅衫魚)一角,並因此人氣急升。

《愛回家》自從出街以嚟,受到咗唔少觀眾喜愛,劇中“熊家”一家溫馨趣味嘅生活亦喺平凡之中打動人心。從下半年開始,《愛回家》下年開始播足7日,各位粉絲敬請期待!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *